CHERY ҚАЗАҚСТАНДА TIGGO 7 PRO ЖАҢАРТЫЛҒАН МОДЕЛІ МЕН ОНЫҢ ТОЛЫҚ ЖЕТЕКТІ НҰСҚАСЫН ТАНЫСТЫРДЫ
![CHERY ҚАЗАҚСТАНДА TIGGO 7 PRO ЖАҢАРТЫЛҒАН МОДЕЛІ МЕН ОНЫҢ ТОЛЫҚ ЖЕТЕКТІ НҰСҚАСЫН ТАНЫСТЫРДЫ](/userdata/news/news_51/image_kk_b.jpg?1694667092)
Chery кроссоверлерінің жаңа буыны Қазақстанда ресми түрде таныстырылды: бұл Chery Tiggo 7 PRO жаңартылған моделі мен толық жетекті Chery Tiggo 7 PRO MAX. «Road to the victory» — «Жеңіске апарар жол» тұжырымдамасы аясындағы тұсаукесер Алматыдағы заманауи проекциялық мұражайда өтті.
«Chery Tiggo 7 PRO – брендтің Қазақстандағы сөзсіз бестселлері. 2023 жылы Chery клиенттерінің 45 % дәл осы модельді таңдады. Біз жол талғамайтын сипаттамаларға ие толық жетекті кроссоверді қоса алғанда, елімізде «Tiggo 7» автокөліктерінің үшінші буынын ұсынып отырғанымызға қуаныштымыз», – деді «Астана Моторс» құрамындағы Қазақстандағы Chery дистрибуциясының директоры Нұрлан Шамгонов.
Кроссовердің габариттері бұрынғы қалпында қалды, 4500х1842х1705, ішіне жүргізуші мен төрт жолаушы ыңғайлы жайғаса алады. Кроссоверлердің сыртқы түрі өзгерді. Жаңартылған Chery Tiggo 7 PRO автокөлігіне 3D-матрица стиліндегі алты бұрышты ромб тәрізді алдыңғы тор орнатылып, бетіне шашылған алмас тәрізді айшықты элементтер бейнеленді. Толық жетекті Chery Tiggo 7 PRO MAX автокөлігінің алдыңғы торы да осыған ұқсас стильде жасалған, бірақ ол анағұрлым қуатты әрі беделді болып көрінеді.
Шанақ алдының астыңғы бөлігіне бұрылыстарға арналған статикалық жарықтандыру элементі бар жаңа T-crystal тұман фаралары қыстырылған.
Толық жетекті Chery Tiggo 7 PRO кроссоверіне көлемі 1,5 л. және 147 а.к. беретін ACTECO турбиналы қозғалтқышы орнатылған, бұл көрсеткіш орташа атмосфералық екі литрлік бензинді қозғалтқыштың қуатына сәйкес келеді. 9 виртуалды бекітілген квазиберілісі бар CVT25 сатысыз вариаторы 210 Нм-ге дейінгі максималды айналдыру моментін бере алады.
Толық жетекті Chery Tiggo 7 PRO MAX – одан күштірек. Оның жүрегі – 1.6T GDI қозғалтқышының үшінші буыны және 7 сатылы роботтандырылған DCT7 беріліс қорабы. Турбиналы қозғалтқыш австриялық AVL компаниясымен бірге әзірленді. Қозғалтқыштың максималды қуаты – 150 а.к., максималды айналдыру моменті – 275 Нм.
Chery Tiggo 7 PRO MAX толық жетек жүйесі ZF Friedrichshafen AG неміс концернімен бірге әзірленді және интеллектуалды жолмен басқарылады. Қосылу уақыты 0,1 секундты алады, ал 50 %-ға дейінгі айналдыру моментін артқы дөңгелектердің пайдасына қайта үлестіру 10 %-ға дейінгі дәлдікпен орындалады. Жүргізушінің таңдауына алты қозғалыс режимі ұсынылады: эко, жайлы, спорт, қар, топырақ, 4х4, сондай-ақ көлбеу бұрышы 45 % беткейлерге көтерілу мүмкіндігі.
Екі модельде де жүргізушінің жетілдірілген көмекші жүйесі (ADAS) басқару қауіпсіздігіне жауап береді.
Былғары салон, желдеткіштері және жадқа сақталатын электрлі реттегіштері бар эргономиялық орындықтар жүргізуші мен жолаушыларға жайлылық сыйлайды. Толық «қысқы» пакетке алдыңғы әйнектің, әйнекжуғыш бүріккіштерінің, артқы көрініс айналары мен артқы әйнектің, рульдің, алдыңғы және артқы орындықтардың жылытқыштары кіреді.
«Алдыңғы жетекті Chery Tiggo 7 PRO рестайлингтік нұсқасының құны 12,4 млн теңгеден басталады, модельдің Prestige, Premium және Luxury жинақтамалары қолжетімді. Толық жетекті Chery Tiggo 7 PRO MAX құны 14,2 млн теңгеден басталады, ол Prestige және Luxury жинақтамаларында ұсынылады. Модельдердің екеуі де қара түсті төбелері бар нұсқада қолжетімді», – деп атап өтті Нұрлан Шамгонов.
Модельдер таныстырылғаннан кейін, Қазақстандағы Chery бизнесінің дамуы туралы баяндалған кішігірім баспасөз конференциясы ұйымдастырылды
«Chery – «Астана Моторс» портфеліндегі ең жылдам дамып келе жатқан брендтердің бірі. «Қазақстанның Автокөлік Одағының» (ҚАО) мәліметтері бойынша Chery Қазақстанда ең көп сатылатын автобрендтердің үздік төрттігіне сенімді түрде кіреді. Ал Chery Tiggo 7 PRO моделінің екінші буыны қазақстандықтар арасында ең танымал автокөліктердің ондығына кіреді. Автокөліктер Қазақстанда 2021 жылдың желтоқсан айында сатыла бастағанымен, жуырда компания 10 мыңыншы сатып алушысын тіркеді. Бүгінгі күнге дейінгі жалпы сатылымдар саны 11 мың автокөліктен асып кетті», – деді Нұрлан Шамгонов.
Сатылымдардың өсу динамикасын сандардан байқауға болады: 2022 жыл ішінде 4,4 мың Chery автокөлігі сатылған болса, 2023 жылдың 8 айы ішінде 6,9 мың көлік сатылып үлгерген.
«Chery маркасының модельдік қатары жақсы теңгерілген: желіде ең қолжетімді Tiggo 2-ден (7 млн теңгеден бастап) премиумдық Tiggo 8 PRO MAX-қа дейін әртүрлі баға санаттары бойынша ұсыныстар бар. Жылдың соңына дейін Қазақстан нарығына тағы екі модель шығаруды жоспарлап отырмыз, олардың бірі – седан», – деп сөзін қорытындылады Нұрлан Шамгонов.
Қазақстанда ұсынылған Chery модельдері туралы толық ақпаратты ресми сайттан немесе 7007 байланыс орталығынан білуге болады.
![7pro](/userdata/uploads/u5/1694678883.jpg)
![7promax](/userdata/uploads/u5/1694678898.jpg)
![int1](/userdata/uploads/u5/1694678910.jpg)
![int2](/userdata/uploads/u5/1694678922.jpg)
![int3](/userdata/uploads/u5/1694678933.jpg)
![int4](/userdata/uploads/u5/1694678952.jpg)
Запись на тест-драйв
Бізге әлеуметтік
желілерде қосылыңыз
Запись на сервис
Қолайлы Chery автокөлігін таңдаңыз және сервиске жазылыңыз
Наши контакты
Найдите адрес самого ближайшего к вам автодилера
Найти запчасти
Уточните, есть ли в наличии интересующие вас запчасти
Қосымша жабдық
Уточните, есть ли в наличии интересующие вас запчасти
Сайт cookie файлдарын пайдаланады. Осы сайтты пайдалану арқылы сіз cookie файлдарын пайдалануға және жеке деректеріңізді өңдеуге келісіміңізді растайсыз.